Псалтырь
Седьмой псалом
Да пожене́т у́бо враг ду́шу мою́ и да пости́гнет, и попере́т в зе́млю живо́т мой, и сла́ву мою́ в персть всели́т.
Воскресни́, Го́споди, гне́вом Твои́м, вознеси́ся в конца́х враг Твои́х, и воста́ни, Го́споди Бо́же мой, повеле́нием, и́мже запове́дал еси́.
И сонм люде́й обы́дет Тя, и о том на высоту́ обрати́ся.
Госпо́дь су́дит лю́дем: суди́ ми, Го́споди, по пра́вде мое́й, и по незло́бе мое́й на мя.
Да сконча́ется зло́ба гре́шных, и испра́виши пра́веднаго, испыта́яй сердца́ и утро́бы, Бо́же, пра́ведно.
По́мощь моя́ от Бо́га, спаса́ющаго пра́выя се́рдцем.
Бог суди́тель пра́веден и кре́пок, и долготерпели́в, и не гнев наводя́й на всяк день.
А́ще не обратите́ся, ору́жие Свое́ очи́стит, лук Свой напряже́ и угото́ва и́
и в нем угото́ва сосу́ды сме́ртныя, стре́лы Своя́ сгара́емым соде́ла.
Се боле́ непра́вдою, зача́т боле́знь, и роди́ беззако́ние:
ров изры́, и ископа́ и́, и паде́т в я́му, ю́же соде́ла.
Обрати́тся боле́знь eго́ на главу́ eго́, и на верх eго́ непра́вда eго́ сни́дет.
Испове́мся Го́сподеви по пра́вде Его́ и пою́ и́мени Го́спода Вы́шняго.
раскрыть ветку (1)