Wunderpus photogenicus (меджусловјанскы језык)⁠⁠

Na tutom foto jest osmonog Vunderpus (Wunderpus photogenicus) v stadiji ličinky. V tutoj stadiji on je prozračny i drejfuje v odkrytom okeanu podobno planktonu.

Imenno v čas plavanja v črnyh glubinah okeana v regionu Filipinskogo arhipelaga, fotograf Vu Jung-sen sustrětil se s tym rědkym ekzemplarom.

Něžny mladec osmonoga izstavjal svoj jarko-črveny mozg vnutri svojej prozračnoj glavy. Wunderpus photogenicus (doslovno to označaje fotogenično čudo) jest žitelj pobrěžnyh vod Tihogo okeana k jugu od Filipin.

Vozrastli osmonogi pokazyvajut undividualne uzory iz bělyh peten i širokyh linij na tentakulah, tělu, glavě i očnyh steblah. Kogda někto ogrožaje ili měšaje jih pokoju, oni imajut sposobnost kamuflovati se i izměnjati svoj obraz, da by slivati se s vněšnjeju srědoju, ili daže imitovati něktoryh morskyh stvorov, takyh napriměr kak jadovita iglista ryba-lev.

Ale mladym ličinkam ne potrěben kamuflaž, one ne imajut koristi od togo ohrannogo mehanizma.

Koliko percentov od teksta vy jeste srazuměli? Kake druge interesne morske stvorjenja vy znajete?

Naša besěda: https://t.me/MSbesieda