Фільм «Гаворкі Беларусі»⁠⁠

Беларусь — унікальная краіна, што не ў апошнюю чаргу абумоўлена ўнікальнасцю яе культуры. Сотні гадоў няпростай гісторыі забяспечылі беларусаў багатай культурнай спадчынай, адным з найважнейшых складнікаў якой выступае мова. Літаратурная і мясцовая, пісьмовая і вусная, афіцыйная і неафіцыйная яе формы — усё гэта наш нематэрыяльны набытак. Але падмуркам, бясспрэчна, з’яўляюцца лакальныя разнавіднасці беларускай мовы, ці, прасцей кажучы, гаворкі. Даступную і наглядную іх характарыстыку прапануюць аўтары дакументальнага фільма «Гаворкі Беларусі».